Oktyabrın 5-də Neftçala şəhərindəki Heydər Əliyev Mərkəzində
Heydər Əliyev Fondunun dəstəyi ilə “AZLİNG 2024: Azərbaycan dili və müasir
dilçilik: problemlər, perspektivlər və çağırışlar” mövzusunda Beynəlxalq elmi
konfrans keçirildi.
Konfransın
açılış mərasimində Naftçala Rayon İcra Hakimiyyətinin başçısı Mirhəsən Seyidov,
Neftçala şəhər Heydər Əliyev Mərkəzinin direktoru Könül Məmmədova, Azərbaycan
Respublikası Dil Komissiyası yanında Monitorinq Mərkəzinin rəhbəri, filologiya
üzrə elmlər doktoru, professor Sevinc Əliyeva, Sumqayıt Dövlət Universitetinin
rektoru, kimya üzrə fəlsəfə doktoru Rüfət Əzizov, Regionların İnkişafı İctimai
Birliyinin nümayəndəsi Gülbağda Leysanova Hacıyeava, filologiya üzrə fəlsəfə
doktoru, dosent Qüdsiyyə Qəmbərova, pedaqogika üzrə fəlsəfə doktoru, Pekin
Xarici Dillər Universitetinin Azərbaycan dili kafedrasının müdiri Aqşin Əliyev,
Azərbaycan Televiziyası və Radiosu Qapalı Səhmdar Cəmiyyətinin Beynəlxalq Əlaqələr
Departamentinin direktoru Elnar Məmmədli, tanınmış iş adamı Akif Kərimov, Azərbaycan
Respublikası Elm və Təhsil Nazirliyinin “Məktəbəqədər və ibtidai təhsil”
elmi-metodik jurnalının baş redaktoru Böyükağa Mikayıllı, “Gündoğar” qəzetinin
baş redaktoru Bədirə Niftəliyeva çıxış etdilər. Konfransa Çindən və Özbəkistandan
olan dilçi alimlərin də tədqiqat işləri göndərilmişdi.
Konfransda Azərbaycan dilinin, ümumilikdə dilçiliyin müasir problemlərinə həsr olunmuş məruzələr dinlənildi. Qeyd edim ki, konfrans əslən neftçalalı olan dilçi alimlər Aqşin Əliyev və Qüdsiyyə Qəmbərovanın təşəbbüsü ilə 4 ildir ki, keçirilir. Konfransa Neftçala Rayon Heydər Əliyev Mərkəzi və Regionların İnkişafı İctimai Birliyi tərəfindən təşkilati dəstək verilir. Neftçalanın pedaqoji ictimaiyyətinin böyük marağına səbəb olan konfrans rayonda elm bayramı əhval-ruhiyyəsi yaradır.
